କଟକ ୧୮ ।୧୦: ଚାଉଳିଆଗଞ୍ଜ ଥାନା ପୋଲିସ ଗୋଟିଏ ଚୋରି ଯାଇଥିବା ଟ୍ରକକୁ ମଙ୍ଗୁଳିରୁ ଜବତ କରିବା ସହ ଏହି ଚୋରିରେ ସଂପୃକ୍ତ ଜଣେ ଯୁବକଙ୍କୁ ଗିରଫ କରିଛି । ଗିରଫ ଅଭିଯୁକ୍ତ ପୁରୀ ଜିଲ୍ଲା ଚାରିଛକ ବାଲୁଙ୍ଗାର ଲିଟୁ ସେଠୀ (୩୨) ।
ସୂଚନା ଅନୁଯାୟୀ ଶିଖରପୁର ଉପରସାହିତର ପରିକ୍ଷିତ ପାତ୍ର ତାଙ୍କ ଟ୍ରକ (ଓଡ଼ି୦୪ଡି୩୧୫୨) କୁ ରେଳବାଇ ଗୁଡ଼ସେଡ଼ି ରାସ୍ତା କଡ଼ରେ ପାର୍କିଂ କରିଥିଲେ । ଗତ ସୋମବାର ବିଳମ୍ବିତ ରାତିରେ କେହି ତାଙ୍କ ଟ୍ରକକୁ ଚୋରି କରି ନେଇଥିବା ନେଇ ସେ ଥାନାରେ ଅଭିଯୋଗ କରିଥିଲେ । ଏ ନେଇ ଏକ ମାମଲା ରୁଜୁ କରାଯାଇ ଏସଆଇ ସୂର୍ଯ୍ୟକାନ୍ତ ସାହୁଙ୍କୁ ତଦନ୍ତ ଦାୟିତ୍ୱ ଦିଆଯାଇଥିଲା । ସ୍ଥାନୀୟ ସିସିଟିଭି ଫୁଟେଜ ଓ ଗୁପ୍ତ ସୂଚନା ଆଧାରରେ ଟାଙ୍ଗୀମଙ୍ଗୁଳିରେ ଚଢ଼ାଉ କରାଯାଇ ଚୋରି ଟ୍ରକକୁ ଜବତ କରାଯିବା ସହ ଅଭିଯୁକ୍ତକୁ ଗିରଫ କରି କୋର୍ଟ ଚାଲାଣ କରାଯାଇଛି ।
