ଦୈର-ଅଲ୍-ବଲାହ: ରକ୍ତମୁଖା ହୋଇଉଠିଛି ଇସ୍ରାଏଲୀ ସେନା । ଗାଜା ଷ୍ଟ୍ରିପ୍ରେ ଲଗାତାର ଏଆରଷ୍ଟ୍ରାଇକ ଜାରି ରଖିଥିବା ବେଳେ ଶନିବାର ରାତିରୁ ପୁଣିଥରେ ଏୟାରଷ୍ଟ୍ରାଇକ୍ କରିଛି ଆଇଡ଼ିଏଫ। ଏହି ଆକ୍ରମଣ ଯୋଗୁଁ ଅନ୍ୟୁନ ଅନୂ୍ୟନ ୨୦ ଜଣ ପାଲେଷ୍ଟିନୀୟଙ୍କ ମୃତ୍ୟୁ ଘଟିଛି। ସେମାନଙ୍କ ମଧ୍ୟରେ ୫ ଜଣ ଶିଶୁ ରହିଥିବା ସୂଚନା ମିଳିଛି। ତେବେ ଇସ୍ରାଏଲୀ ସେନା ଦ୍ୱାରା ହୋଇଥିବା ଆକ୍ରମଣରେ ଏଯାବତ ୪୫,୨୨୭ ଜଣଙ୍କ ପ୍ରାଣହାନୀ ଘଟିସାରିଲାଣି।
ରବିବାର ଗାଜା ସିଟିର ବିସ୍ଥାପିତମାନେ ରହିଥିବା ଏକ ସ୍କୁଲ୍ ଉପରେ ଏୟାରଷ୍ଟ୍ରାଇକ୍ ଯୋଗୁ ୩ ଶିଶୁ ଓ ୨ ମହିଳାଙ୍କ ସମେତ ୯ ଜଣ ପ୍ରାଣ ହରାଇଥିଲେ। ଏହାସହିତ ଅନେକ ଆହତ ହୋଇଥିଲେ। ସେହିପରି ଅଲ-ଜଲାହ ଷ୍ଟ୍ରିଟରେ ଏଆରଷ୍ଟ୍ରାଇକ ଯୋଗୁଁ ୪ ଜଣଙ୍କ ମୃତ୍ୟୁ ଘଟିଥିଲା । ଅପରପକ୍ଷରେ ଦକ୍ଷିଣ ଗାଜା ଷ୍ଟ୍ରିପର ଖାନ୍ ୟୁନିସ୍ ସହରରେ ଆକ୍ରମଣ ଯୋଗୁ ୨ ଜଣଙ୍କ ମୃତ୍ୟୁ ଓ ରାଫାରେ ଏକ କାର୍ ଉପରେ ଆକ୍ରମଣ ହେବାରୁ ୩ ଜଣ ନିହତ ହୋଇଥିଲା।
