ନୂଆଦିଲ୍ଲୀ: ମାଓ ଦମନ ଅଭିଯାନରେ ଛତିଶଗଡ ପୋଲିସକୁ ପୁଣି ବଡ଼ ସଫଳତା। ଗୁରୁବାର ପୋଲିସ ଏନକାଉଣ୍ଟରରେ ୩ ମାଓବାଦୀଙ୍କ ମୃତ୍ୟୁ ଘଟିଛି। ସୁକୁମା ବିଜାପୁର ସୀମାରେ ସୁରକ୍ଷାବଳ ଏବଂ ମାଓବାଦୀଙ୍କ ମଧ୍ୟରେ ଗୁଳି ବିନିମୟ ଘଟିଥଇଲା। ଏଠାରେ ମାଓ ବାଦୀଙ୍କ ଉପସ୍ଥିତି ଖବର ପାଇ ଡିଆରଜି , ଏସଟିଏଫ୍, କୋବ୍ରା ବାହିନୀ ମିଳିତ ଅପରେସନରେ ଚଳାଇଥିବା ବେଳେ ଏହି ସଫଳତା ମିଳିଛି । ଏବେବି ଘଟଣାସ୍ଥଳରେ ସୁରକ୍ଷାକର୍ମୀ ଏବଂ ମାଓବାଦୀଙ୍କ ମଧ୍ୟରେ ଗୁଳିବିନିମୟ ଚାଲିଥିବା ସୂଚନା ।
ଉଲ୍ଲେଖ ଯେ କିଛିଦିନ ପୂର୍ବରୁ ଛତିଶଗଡ଼ର ବିଜାପୁର ଜିଲ୍ଲାର କୁଟରୁ ଠାରେ ଭୟଙ୍କର ବିସ୍ଫୋରଣରେ ଘଟାଇ ମାଓ ଅପରେସନ ସାରି ବାଟରେ ଫେରୁଥିଲେ ଯବାନଙ୍କ ଗାଡି ଧ୍ବଂସ ହୋଇଯାଇଥିଲା। ମାଓବାଦୀମାନେ ଆଇଇଡି ବିସ୍ଫୋରଣ ଘଟାଇଥିଲେ। ବିସ୍ଫୋରଣ ଏତେ ଶକ୍ତିଶାଳୀ ଥିଲା ଯେ ଗାଡ଼ିର କିଛି ଅଂଶ ଗଛରେ ଝୁଲୁଛି ଏବଂ ଘଟଣାସ୍ଥଳରେ ବିଶାଳ ଗର୍ତ୍ତ ସୃଷ୍ଟି ହୋଇଥିଲା। ଏହି ବିସ୍ଫୋରଣରେ ୮ ଯବାନ ସହିଦ ହୋଇଥିଲେ। ଜଣେ ଡ୍ରାଇଭରଙ୍କ ଜୀବନ ଯାଇଥିଲା। ବିସ୍ଫୋରଣ ପରେ ସର୍ଚ୍ଚ ଅପରେସନ ଜୋରଦାର କରାଯାଇଥିବା ବେଳେ ପୋଲିସକୁ ଏହି ସଫଳତା ମିଳିଛି।
