ଚା ’ଦୁନିଆର ସବୁଠାରୁ ପ୍ରିୟ ପାନୀୟ ମଧ୍ୟରୁ ଅନ୍ୟତମ । ସକାଳ ହେଉ କି ସଂଧ୍ୟାରେ ଚାହା ସହ ପକୁଡି କି ବିସ୍କୁଟ ଖାଇବାର ପରମ୍ପରା ସାଧାରଣ ହୋଇଥାଏ । ଚା ଥକ୍କାପଣ ଦୂର କରିବା ସହ ଶରୀରକୁ ସତେଜ ଶକ୍ତି ଯୋଗାଇ ଥାଏ ।
କିଛି ଲୋକଙ୍କର ଚା ଅତ୍ୟଧିକ ପିଇବା ଅଭ୍ୟାସ ଥାଏ । କିନ୍ତୁ ଚା ଅତ୍ୟଧିକ ପିଇବା ସ୍ଵାସ୍ଥ ପକ୍ଷେ ହାନୀକାରକ । କେଉଁ ଜିନିଷ ଚା ସହିତ ଖାଇବା ଉଚିତ, କେଉଁଟି ଖାଇବା ଉଚିତ ନୁହେଁ ସେ ବିଶେଷ ଧ୍ୟାନ ଦେବା ଆବଶ୍ୟକ । ଆସନ୍ତୁ ଜାଣିବା …
ଖଟା ଫଳ: ଚାହା ସହ ଫଳ, ଖାସକରି ଖଟା ଫଳ ନ ଖାଇବା ଆବଶ୍ୟକ। ଏହା ଚାହା ସହ ମିଶି ଓଲଟା ରିଆକ୍ଟ କରିଥାଏ। ଚାହାରେ ଥିବା ଟେନିନ ଫଳ ସହ ମିଶି ପାଚନ ଶକ୍ତିକୁ କମଜୋର କରିପାରେ। ଯାହାକି ପେଟ ସମସ୍ୟାମାନ ଲାଗିରହିଥାଏ।
ଦୁଗ୍ଧ ଜାତୀୟ ଖାଦ୍ୟ: ଚାହା କ୍ଷୀରରେ ତିଆରି ହୁଏ ସତ୍ୟ କିନ୍ତୁ ଏଥିରେ ଦୁଗ୍ଧ ଜାତୀୟ ଖାଦ୍ୟ ଖାଆନ୍ତୁ ନାହିଁ। ଯେପରିକି ପନୀର, ଦହି ବା ଏଥିରେ ମିଠା ସେବନ କରିବା କଥା ନୁହେଁ। ଦୁଗ୍ଧ ଜାତୀୟ ଜିନିଷ, ଚାହା ସହ ମିଶାଇ ପେଟ ପାଚନ ସମ୍ବନ୍ଧୀୟ ସମସ୍ୟା ସୃଷ୍ଟି କରିଥାଏ। ଏଥିରେ ପେଟ ଫୁଲିବା ଭଳି ସମସ୍ୟା ଦେଖିବାକୁ ମିଳିଥାଏ।
ଛଣା ଜିନିଷ: ତେଲ ପାଇଁ ଶରୀରରେ କୋଲେକଷ୍ଟ୍ରଲ ପରିମାଣ ବଢିଯାଇଥାଏ, ଏବଂ ଏଥିରେ ହୃଦୟ ସମ୍ବନ୍ଧୀୟ ରୋଗର ସମ୍ଭାବନା ମଧ୍ୟ ବଢିଯାଇଥାଏ। ଚାହା ସହ ପକୁଡି ଏବଂ ସିଙ୍ଗଡା ଖାଇବା ସାଧାରଣ କଥା ଅଟେ, ହେଲେ ଏହି ଫାଲତୁ କମ୍ବିନେସନ ଏସିଡିଟୀ ଏବଂ ପେଟ ଫୁଲିବାର ସମସ୍ୟାକୁ ବଢାଇପାରେ।
ମସଲା ଯୁକ୍ତ ଖାଦ୍ୟ: ଚାଟ ଏବଂ ସ୍ନାକ୍ସ ଆଇଟମରେ ତେଲ ଏବଂ ମସଲା ରହିଥାଏ। ଯାହାକୁ ଆପଣ ଖାଇବା ଦ୍ୱାରା ହାନିକାରକ ହୋଇପାରେ। ଚାହା ଏବଂ ମସଲାର କମ୍ବୋ ପାଚନ ସମସ୍ୟାକୁ ବଢାଇଦିଏ। ଚାହା ଆମକୁ ରିଲାକ୍ସ କରିବାରେ ସାହାଯ୍ୟ କରେ, ସେହିପରି ମସଲାଦାର ଖାଦ୍ୟ ଖାଇବା ଦ୍ୱାରା ଆପଣଙ୍କ ମନ ଖରାପ ହୋଇପାରେ।
ସୁଗାର : ଚାହା ସହ ଆପଣ ଯଦି ଅଧିକ ମିଠା ଜିନିଷ ଯେପରିକି କେକ, ପେଷ୍ଟ୍ରୀ ବା କ୍ଷୀର ଖାଇବେ ତେବେ ସୁଗାରର ମାତ୍ରା ଏକଦମ ବଢିଯିବ। କ୍ଷୀର ଏବଂ ଚିନିର ଅଧିକ ସେବନ ଆପଣଙ୍କ ସ୍ୱାସ୍ଥ୍ୟ ପାଇଁ ହାନିକାରକ ହୋଇପାରେ। ଏଥିରେ ଶରୀରରେ ଶକ୍ତି କମିଯାଏ।
