ଶୀତଦିନେ ବଜାରରେ କମଳା ସହଜରେ ଉପଲବ୍ଧ ହୋଇଥାଏ। ଏହା ସ୍ବାସ୍ଥ୍ୟ ପାଇଁ ବେଶ ଉପକାରୀ। ଭିଟାମିନ ସିରେ ଭରପୂର କମଳା ଆପଣଙ୍କ ରୋଗ ପ୍ରତିରୋଧକ ଶକ୍ତି ବଢ଼ାଇଥାଏ। ଏହା ବ୍ୟତୀତ, କମଳା ଆପଣଙ୍କୁ ଶୀତ କାରଣରୁ ସୃଷ୍ଟି ହେଉଥିବା ସ୍ବାସ୍ଥ୍ୟସମସ୍ୟାକୁ ଦୂର କରିବାରେ ସାହାଯ୍ୟ କରିଥାଏ। କମଳାରେ ଅନେକ ମାତ୍ରାରେ ଭିଟାମିନ୍ ସି ମିଳିଥାଏ । ଏହି କାରଣରୁ, କମଳା ପ୍ରତିରୋଧକ ଶକ୍ତି ବଢ଼ାଇବା ପାଇଁ ଅତ୍ୟନ୍ତ ପ୍ରଭାବଶାଳୀ ବୋଲି ବିବେଚନା କରାଯାଏ । ଏହା ସହିତ କମଳା ଓଜନ ହ୍ରାସ ପାଇଁ ଅତ୍ୟନ୍ତ ପ୍ରଭାବଶାଳୀ ବୋଲି ବିବେଚନା କରାଯାଏ, କାରଣ ଏଥିରେ ଥିବା କ୍ୟାଲୋରୀ ପରିମାଣ ବହୁତ କମ୍ ଅଟେ । ଶୀତଦିନେ ପ୍ରତିଦିନ କମଳା କିମ୍ବା ଏହାର ରସ ଖାଇବା ଦ୍ୱାରା ଥଣ୍ଡା ଏବଂ କାଶ ସହିତ ଅନେକ ପ୍ରମୁଖ ରୋଗ ଭଲ ହୋଇପାରିବ ।ଏଥିଲାଗି ଶୀତ ଦିନରେ ପ୍ରତିଦିନ କମଳା ସେବନ କରନ୍ତୁ। ତେବେ ଆସନ୍ତୁ ଜାଣିବା ଶୀତଦିନେ କମଳା ଖାଇବାର ଲାଭ କ’ଣ?
ଆର୍ଥରାଇଟିସ ରୋଗୀଙ୍କ ପାଇଁ ଲାଭଦାୟକ:- ଶୀତଦିନେ ଆର୍ଥରାଇଟିସ ସମସ୍ୟା ବୃଦ୍ଧି ପାଇବାର ସମ୍ଭାବନା ରହିଛି। ଏଥିଯୋଗୁ କମଳା ଖାଆନ୍ତୁ। କମଳା ଖାଇବା ଦ୍ୱାରା ଆପଣ ଆର୍ଥରାଇଟିସ୍ ଦ୍ୱାରା ସୃଷ୍ଟି ହୋଇଥିବା ସମସ୍ୟାରୁ ଯେପରିକି ଗଣ୍ଠି ଯନ୍ତ୍ରଣା, କଠିନତା, ଫୁଲା ଇତ୍ୟାଦିରୁ ମୁକ୍ତି ମିଳିପାରେ। ଏହା ବ୍ୟତୀତ କମଳା ରକ୍ତରେ ଥିବା ୟୁରିକ ଏସିଡ୍ ସମସ୍ୟାକୁ ନିୟନ୍ତ୍ରଣ କରିବାରେ ସାହାଯ୍ୟ କରିଥାଏ
ରୋଗ ପ୍ରତିରୋଧକ ଶକ୍ତି ବୃଦ୍ଧି ପାଇବ:-ଶୀତଦିନେ କମଳା ଖାଇବା ଦ୍ୱାରା ଆପଣଙ୍କ ରୋଗ ପ୍ରତିରୋଧକ ଶକ୍ତି ବୃଦ୍ଧିପାଏ। ଏଥିରେ ଆଣ୍ଟିଅକ୍ସିଡାଣ୍ଟ ପ୍ରଚୁର ମାତ୍ରାରେ ଥାଏ, ଯାହାକି ରୋଗ ପ୍ରତିରୋଧକ ଶକ୍ତି ବଢାଇଥାଏ।
ଓଜନ ହ୍ରାସ କରିବାରେ ସାହାଯ୍ୟ କରେ:- କମଳା ଖାଇବା ଦ୍ୱାରା ଓଜନ ହ୍ରାସ କରିବାରେ ସାହାଯ୍ୟ କରିଥାଏ। କମଳାରେ କ୍ୟାଲୋରୀ ପରିମାଣ ବହୁତ କମ। ଏହା ଓଜନ ହ୍ରାସ କରିବାରେ ପ୍ରଭାବଶାଳୀ। ଯଦି ଆପଣ ଓଜନ ହ୍ରାସ କରିବାକୁ ଚାହାଁନ୍ତି, ତେବେ ସ୍ନାକ୍ସ ଭାବରେ କମଳା ଖାଇପାରିବେ। ଏହାଛଡ଼ଶ ଆପଣ ପ୍ରତିଦିନ କମଳା ରସ ପିଇପାରିବେ।
କୋଲେଷ୍ଟ୍ରଲ ହ୍ରାସ କରିବାରେ ସହାୟକ:-କମଳା ଖାଇବା ଦ୍ୱାରା ଶରୀରରେ କୋଲେଷ୍ଟ୍ରଲ ହ୍ରାସ ପାଇଥାଏ। ହେଲେ ଯଦି ଆପଣ କୋଲେଷ୍ଟ୍ରଲ ହ୍ରାସ କରୁଥିବା ଔଷଧ ସେବନ କରୁଛନ୍ତି, ତେବେ ଆପଣ ବିଶେଷଜ୍ଞଙ୍କ ସହିତ ପରାମର୍ଶ କରନ୍ତୁ।
