ଡାମାସକସ: ସିରିଆର ରାଜଧାନୀ ଡାମାସକସରେ ଥିବା ଏକ ମସଜିଦରେ ଦଳାଚକଟା ଯୋଗୁ ୩ ଜଣଙ୍କ ପ୍ରାଣହାନୀ ସମେତ ଏକାଧିକ ଆହତ ହୋଇଛନ୍ତି । ଶୁକ୍ରବାର ଡାମାସକସର ପ୍ରସିଦ୍ଧ ଉମୟଦ୍ ମସଜିଦରେ ଏକ କାର୍ଯ୍ୟକ୍ରମ ଆୟୋଜନ ବେଳେ ଏହି ଦଳାଚକଟା ହୋଇଥିଲା । ଏଥିରେ ୩ ମହିଳା ପ୍ରାଣ ହରାଇଥିବା ବେଳେ ୫ ଜଣ ଶିଶୁ ଆହତ ହୋଇଛନ୍ତି । ଏନେଇ ସିରିଆର ସିଭିଲ ଡିଫେନ୍ସ ଗ୍ରୁପ୍ ହ୍ୱାଇଟ୍ ହେଲମେଟ୍ସ ସୂଚନା ଦେଇଛି । ଏହି ଦଳାଚକଟା ଘଟଣାରେ ଆହତ ହୋଇଥିବା ଶିଶୁମାନଙ୍କୁ ଗଭୀର ଆଘାତ ଲାଗିଥିବା ବେଳେ କିଛି ପିଲା ସଂଜ୍ଞାହୀନ ହୋଇପଡିଥିଲେ । ସେମାନଙ୍କୁ ତୁରନ୍ତ ହସ୍ପିଟାଲ ନିଆଯାଇଥିଲା।
ହ୍ୱାଇଟ୍ ହେଲମେଟ୍ସ ପକ୍ଷରୁ ମିଳିଥିବା ସୂଚନା ଅନୁସାରେ ପ୍ରବଳ ଭିଡ଼ ହେତୁ ଏଭଳି ପରିସ୍ଥିତି ଉପୁଜିଥିବା ବେଳେ ଘଟଣାସ୍ଥଳରେ ଉଦ୍ଧାରକାରୀ ଟିମ୍ ପହଂଚି ତୁରନ୍ତ ଉଦ୍ଧାରକାର୍ଯ୍ୟ ଆରମ୍ଭ ଆକରିଥିଲା। ଉଦ୍ଧାର କାର୍ଯ୍ୟ ବେଳେ ମସଜିଦରୁ ଜଣେ ମହିଳାଙ୍କ ମୃତଦେହ ଉଦ୍ଧାର କରାଯାଇଥିଲା ଏବଂ ଅନ୍ୟ ୨ ଜଣ ମହିଳାଙ୍କୁ ଗୁରୁତର ଅବସ୍ଥାରେ ମେଡିକାଲ ନିଆଯାଇଥିଲା। ସେଠାରେ ସେମାନଙ୍କ ମୃତ୍ୟୁ ହୋଇଥିଲା ।
