ଭୁବନେଶ୍ୱର: ଗାନ୍ଧୀ ଜୟନ୍ତୀ ଅବ୍ୟବହିତ ପୂର୍ବରୁ ସେବା ମହିଳା ସମିତି ଅପକ୍ଷରୁ ଏକ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଲୁଇସ୍ ରୋଡ଼ସ୍ଥିତ ନାଗେଶ୍ବର ଟାଙ୍ଗୀରେ ବରିଷ୍ଠ ନାଗରିକ ମାନଙ୍କ ଗହଣରେ ଗାନ୍ଧୀଙ୍କ ଉଦ୍ଦେଶ୍ୟରେ ଏକ କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଛି। ଏହି କାର୍ଯ୍ୟକ୍ରମରେ ଗାନ୍ଧୀଙ୍କ ବିଷୟରେ ଆଲୋଚନା ହୋଇଥିଲା।
କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଗାନ୍ଧୀ ମହିଳା ମୋର୍ଚ୍ଚାର ସଦସ୍ୟା ଡ. ରୀନା ରାଉତରାୟ, ଓ୍ବାଡ ନଂ ୫୫ର କର୍ପୋରେଟର ନୃପେଶ ନାୟକ, ସେବା ମହିଳା ସମିତିର ସଭାପତି ଭାରତୀ ରାୟ, ସେବା ମହିଳା ସମିତିର ସଦସ୍ୟ ଆରତୀ ରାଉତ, ଇଭା ଦାସ, ମୀନାକ୍ଷୀ ମିଶ୍ର, ସ୍ମିତା ମହାନ୍ତି, ତରଙ୍ଗିଣୀ ପଣ୍ଡା, ଶୁଚିସ୍ମିତା ମନ୍ତ୍ରୀ, କାଜଲ ନାୟର, ଅରୋଲିତା ଦେବୀ ଏବଂ ତୁଳସୀ ନାୟକ ଆଦି ଯୋଗ ଦେଇ ମହାତ୍ମା ଗାନ୍ଧୀଙ୍କ ସ୍ମୃତିଚାରଣ କରିଥିଲେ। କାର୍ଯ୍ୟକ୍ରମରେ ବରିଷ୍ଠ ନାଗରିକ ମାନଙ୍କୁ ବସ୍ତ୍ର, ଫଳ, ଖାଦ୍ୟ ପୁଡିଆ ସହିତ ନିତ୍ୟ ବ୍ୟବହାର୍ଯ୍ୟ ସାମଗ୍ରୀ ବଣ୍ଟନ କରାଯାଇଥିଲା।
