ଜୟପୁର: ଭାରତୀୟ ବ୍ୟାଡମିଣ୍ଟନ ଷ୍ଟାର ପି. ଭି ସିନ୍ଧୁ । ରବିବାର ରାଜସ୍ଥାନ ଉଦୟପୁରରେ ତାଙ୍କ ଫିଆନ୍ସେ ଭେଙ୍କଟ ଦତ୍ତ ସାଇଙ୍କ ସହ ବିବାହ କରିଛନ୍ତି । ପିଭି ସିନ୍ଧୁଙ୍କ ସ୍ବାମୀ ଭେଙ୍କେଟେଶ ସାଇ ଜଣ ବିଜନେସ ମ୍ୟାନ୍ । ପାରମ୍ପରିକ ରୀତିନୀତିରେ ସୀମିତ ପରିବାର ବର୍ଗ ଓ ସାଙ୍ଗସାଥିଙ୍କ ଗହଣରେ ସେମାନଙ୍କ ବିବାହ ସମ୍ପନ୍ନ ହୋଇଛି । ଏହି ବିବାହ ଉତ୍ସବରେ କେନ୍ଦ୍ରୀୟ ମନ୍ତ୍ରୀ ଗଜେନ୍ଦ୍ର ସିଂହ ଶେଖାୱତ ସାମିଲ ହୋଇଥିଲେ । ଏନେଇ ସେ ସୋସିଆଲ ମିଡିଆରେ ଫଟୋ ଶେୟାର କରିଛନ୍ତି ।
ମଙ୍ଗଳବାର ଦିନ ନବଦମ୍ପତ୍ତିଙ୍କର ରିସେପସନ ରଖାଯାଇଛି । ପିଭି ସିନ୍ଧୁ ନିଜ ବିବାହରେ ମହାନ କ୍ରିକେଟର ସଚିନ ତେନ୍ଦୁଲକରଙ୍କୁ ମଧ୍ୟ ନିମନ୍ତ୍ରଣ କରିଥିଲେ । ନବଦମ୍ପତ୍ତି ଦୁହେଁ ମିଶି ତାଙ୍କ ଘରକୁ ଯାଇ ନିମନ୍ତ୍ରଣ ପତ୍ର ଦେଇଥିଲେ । ବିବାହ ପାଇଁ ପି.ଭି ସିନ୍ଧୁ ଏକ ଖାସ୍ ଶାଢୀ ପିନ୍ଧିଥିଲେ । ସେ ଗୋଲ୍ଡେନ କ୍ରୀମ ରଙ୍ଗର ଏକ ଶାଢୀ ପିନ୍ଧିଥିଲେ । ବିବାହ ଯୋଡାରେ ପି.ଭି ସିନ୍ଧୁ ଖୁବ ସୁନ୍ଦର ଦେଖାଯାଉଥିଲେ । ବିବାହ ପରେ ନବଦମ୍ପତ୍ତି ଙ୍କୁ ଶୁଭେଚ୍ଛାର ସୁଅ ଛୁଟୁଛି ।
