ବାଲିଗୁଡା: ଶାରଦୀୟ ଦୁର୍ଗା ପୂଜା ଅବସରରେ ଉତ୍ସବ ମୁଖର ହୋଇଉଠିଛି ବାଲିଗୁଡା ସହର l ମା ଦୁର୍ଗା ଙ୍କ ଆଗମନରେ ସମସ୍ତ ପୂଜା ମଣ୍ଡପ ଚଳଚଞ୍ଚଳ ହୋଇ ଉଠିଥିବା ବେଳେ ବାଲିଗୁଡାର ଅଧିଷ୍ଠାତ୍ରୀ ଦେବୀ ମା ପାଟଖଣ୍ଡାଙ୍କ ପୂଜା ମହାଆଡମ୍ବର ସହ ପାଳନ କରାଯାଉଛି l ବାଲିଗୁଡା ସହର ଆକର୍ଷଣୀୟ ତୋରଣ ସାଙ୍ଗକୁ ରଙ୍ଗୀନ ଆଲୋକ ମାଳାରେ ଝଲସୁଥିବା ଦେଖିବାକୁ ମିଳୁଛି l
ମା ପାଟଖଣ୍ଡା ଙ୍କ ଦୁର୍ଗାପୂଜା ମଣ୍ଡପରେ ଦଶମୀ ପୂଜା ଚାଲିଥିବା ବେଳେ ଚଣ୍ଡୀ ପାଠ ସହ ମନ୍ତ୍ର ଉଚ୍ଚାରଣରେ ପ୍ରକମ୍ପିତ ହେଉଛି ପୂଜା ମଣ୍ଡପ l ଆଧ୍ୟାତ୍ମିକ ପରିବେଶ ମଧ୍ୟରେ ମାଙ୍କ ଦର୍ଶନ ପାଇଁ ପୂଜା ମଣ୍ଡପରେ ଭକ୍ତଙ୍କ ପ୍ରବଳ ସମାବେଶ ହେଉଥିବା ଦେଖିବାକୁ ମିଳିଛି l ଗତ ୨ ତାରିଖରେ ମା ଙ୍କ କଳସ ଯାତ୍ରା ଯାତ୍ରା ଅନୁଷ୍ଠିତ ହୋଇ ୩ ତାରିଖରୁ ମା ଙ୍କ ନବରାତ୍ରି ପୂଜାକାର୍ଯ୍ୟ ଚାଲିଛି l ତେବେ ରବିବାର ମା ଙ୍କ ପୂଜା ମଣ୍ଡପରେ ବିଜୟା ଦଶମୀ ପୂଜା ମହାଆଡମ୍ବର ସହ ପାଳନ କରାଯାଇଛି l ଶାନ୍ତି ଶୃଙ୍ଖଳା ସହ ଦଶହରା ପୂଜା ପାଳନ ନେଇ ପୂଜା କମିଟି ତଥା ପ୍ରଶାସନ ପକ୍ଷରୁ ବ୍ୟାପକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି l
