ୱାୟନାଡ଼: ଆଗାମୀ କିଛି ଦିନ ମଧ୍ୟରେ କେରଳର ୱାୟନାଡ଼ ଲୋକସଭା ଆସନରେ ହେବାକୁ ଯାଉଛି ଉପନିର୍ବାଚନ । ତେବେ ଏହା ପୂର୍ବରୁ କଂଗ୍ରେସ ପକ୍ଷରୁ ପ୍ରିୟଙ୍କା ଗାନ୍ଧୀ ଭଦ୍ରା ପ୍ରାର୍ଥୀ ହୋଇଥିବା ବେଳେ ବିଜେପି ପକ୍ଷରୁ ପ୍ରାର୍ଥୀ ହୋଇଛନ୍ତି ନବ୍ୟା ହରିଦାସ। ଶନିବାର ନବ୍ୟାଙ୍କୁ ପ୍ରାର୍ଥୀ ଭାବେ ଘୋଷଣା କରିଛି ବିଜେପି ।
ନବ୍ୟା ହରିଦାସ କୋଝିକୋଡ଼ ନିଗମର ଜଣେ କାଉନସିଲର ଏବଂ ବର୍ତ୍ତମାନ ବିଜେପି ମହିଳା ମୋର୍ଚ୍ଚାର ରାଜ୍ୟ ସାଧାରଣ ସମ୍ପାଦିକା ଅଟନ୍ତି। ସେ ଜଣେ ମେକାନିକାଲ ଇଞ୍ଜିନିୟର ହୋଇଥିବା ବେଳେ ୨୦୦୭ ମସିହାରେ କାଲିକଟ ବିଶ୍ବବିଦ୍ୟାଳୟର କେଏମ୍ସିଟି ଇଞ୍ଜିନିୟରିଂ କଲେଜରୁ ବି-ଟେକ୍ ଡିଗ୍ରି ହାସଲ କରିଥିଲେ। ତେବେ ନବ୍ୟାଙ୍କ ମୋଟ ସମ୍ପତ୍ତି ୧,୨୯,୫୬,୨୬୪ ଟଙ୍କା । ତାଙ୍କ ବିରୋଧରେ ପୂର୍ବରୁ କୌଣସି ଅପରାଧିକ ମାମଲା ନାହିଁ।
