ହରିୟାଣା ବିଧାନସଭା ନିର୍ବାଚନ ୨୦୨୪ରେ ବୁଲଡୋଜର ଚାହିଦା ବଢ଼ିବାରେ ଲାଗିଛି।ନେତାଙ୍କ ଉପରେ ଫୁଲ ବର୍ଷା କରିବା ଏବଂ ସଭାଗୁଡ଼ିକରେ ଦେଖାଇବା ପାଇଁ ବୁଲଡୋଜର ବୁକ୍ କରାଯାଉଛି।ଅନେକସ୍ଥାନରେ ବୁଲଡୋଜର ରାଲି ମଧ୍ୟ କରାଯାଉଛି।ଘଣ୍ଟା ପିଛା ଚଢ଼ା ଦରରେ ବୁଲଡୋଜର ବୁକ୍ କରାଯାଉଛି । ଅପରାଧୀଙ୍କ ସମ୍ପତ୍ତି ଉପରେ ବୁଲଡୋଜର କାର୍ଯ୍ୟାନୁଷ୍ଠାନ ପରେ ଅନେକ ବିଜେପି ଶାସିତ ରାଜ୍ୟରେ ରାଜନୈତିକ ଉତ୍ତେଜନା ଦେଖା ଦେଇଥିଲା।ବିରୋଧୀ ଦଳଗୁଡ଼ିକ ଏହାକୁ ବହୁ ସମାଲୋଚନା କରିଥିଲେ। ହରିୟାଣା, ରାଜସ୍ଥାନ ଏବଂ ଉତ୍ତରପ୍ରଦେଶର ଅନେକ ସ୍ଥାନରେ ବୁଲଡୋଜର ଚାଲୁଥିବାର ଖବର ଆସିଥିଲା।କିନ୍ତୁ ବର୍ତ୍ତମାନ ବୁଲଡୋଜର ହରିୟାଣା ବିଧାନସଭା ନିର୍ବାଚନରେ ବିଭିନ୍ନ ରାଜନୈତିକ ଦଳ ନିଜର ପତିଆରା ଦେଖାଇବା ପାଇଁ ବୁଲଡୋଜର ଭଡ଼ାରେ ଆଣୁଛନ୍ତି। ବର୍ତ୍ତମାନ ପ୍ରଚାର ପାଇଁ ବିଭିନ୍ନ ଦଳ ଦ୍ୱାରା ସଭା ଏବଂ ରାଲି ଆୟୋଜନ କରାଯାଉଛି।ନିର୍ବାଚନୀ ପ୍ରଚାରରେ ବୁଲଡୋଜର ଅଣାଯାଉଛି। ହରିୟାଣାରେ ଜେସିବି ମେସିନ୍ (ବୁଲଡୋଜର)ର ଚାହିଦା ଅଧିକ ରହିଛି। ଫଳରେ ଏବେ ନିର୍ମାଣ କାର୍ଯ୍ୟ ବଦଳରେ ବୁଲଡୋଜର ରାଜନେତାଙ୍କ ପାଇଁ ପ୍ରଚାରର ମାଧ୍ୟମ ପାଲଟିଛି। ଦକ୍ଷିଣ ହରିୟାଣା ଅଞ୍ଚଳରେ ବୁଲଡୋଜରର ଚାହିଦା ଅଧିକ ରହିଥିବା କୁହାଯାଉଛି। ଫରିଦାବାଦ, ଗୁରୁଗ୍ରାମ, ମହେନ୍ଦ୍ରଗଡ ଏବଂ ନହୁରେ ନିର୍ମାଣ କାର୍ଯ୍ୟ ପାଇଁ ବୁଲଡୋଜରର ଅଭାବ ରହିଛି ।
ସୂଚନାନୁସାରେ, ନିର୍ବାଚନ ଡ୍ୟୁଟି ପାଇଁ ବୁଲଡୋଜର ବୁକ୍ କରାଯାଇଛି। ନିର୍ମାଣରେ, ବୁଲଡୋଜର ପାଇଁ ବୁକିଂ ଘଣ୍ଟାପ୍ରତି ୧,୦୦୦ ରୁ ୧,୫୦୦ ଟଙ୍କା ମଧ୍ୟରେ ରହିଥାଏ। ତବେ ନିର୍ବାଚନୀ ପ୍ରଚାରରେ ଚାହିଦା ବୃଦ୍ଧି ପରେ ବୁଲଡୋଜର ମାଲିକମାନେ ଘଣ୍ଟାପ୍ରତି ୫,୦୦୦ ଟଙ୍କା ହାରରେ ରାଜନେତାଙ୍କ ଠାରୁ ବୁକିଂ କରୁଛନ୍ତି।ଜେସିବି ମେସିନ୍ ଯୋଗୁଁ ପ୍ରଚାର ଶୈଳୀ ବଦଳି ଯାଇଛି। ନେତା ମାନେ ବଜାରରେ ବୁଲଡୋଜର ରାଲି ମଧ୍ୟ କରୁଛନ୍ତି।ନାମାଙ୍କନ ପ୍ରକ୍ରିୟା ମଧ୍ୟ କିଛି ନେତା ବୁଲଡୋଜର ଉପରେ ନଜର ଆସିଥିଲେ।ଏବେ ରାଜ୍ୟରେ ଭୋଟ୍ ପର୍ଯ୍ୟନ୍ତ ପ୍ରାୟ ସମସ୍ତ ଜେସିବି ମେସିନ୍ ବୁକିଂକରାଯାଇଛି। ରାଜସ୍ଥାନ ନିକଟବର୍ତ୍ତୀ ଅଞ୍ଚଳରେ ବୁଲଡୋଜରର ଚାହିଦା ଅଧିକ।ତେଣୁ ଅନ୍ୟ ରାଜ୍ୟରୁ ବୁଲଡୋଜର ମଧ୍ୟ ଅର୍ଡର କରାଯାଉଛି।
