ମୁମ୍ବାଇ: ବଲିଉଡ ସୁପରଷ୍ଟାର ଶାହରୁଖ ଖାଁଙ୍କୁ ଦେଖିବାକୁ ସ୍ଥାନୀୟ ବିମାନ ବନ୍ଦରରେ ଶୁଭେଚ୍ଛଙ୍କ ମଧ୍ୟରେ ଠେଲାପେଲା ହୋଇଥିବା ଜଣାଯାଇଛି । ଶାହରୁଖ ଆଇଆଇଏଫଏ ୨୦୨୪ରେ ଯୋଗଦେବାକୁ ଆବୁଧାବି ଯିବାକୁ ଗୁରୁବାର ସକାଳେ ବିମାନ ବନ୍ଦରରେ ପହଞ୍ଚିଥିଲେ । ତାଙ୍କ ସହିତ କରନ ଜୋହର ଏବଂ ଭିକି କୋ÷ଶଲ ମଧ୍ୟ ଥିଲେ । ତେବେ ବିମାନ ବନ୍ଦରରେ ଉପସ୍ଥିତ ଥିବା ଯାତ୍ରୀମାନେ ଶାହରୁଖଙ୍କୁ ଦେଖିବାକୁ ଭିଡ ଲଗାଇବା ସହିତ ତାଙ୍କ ପାଖରେ ପହଞ୍ଚିବାକୁ ସେମାନଙ୍କ ମଧ୍ୟରେ ଠେଲାପେଲା ହୋଇଥିଲା ।
ଶାହରୁଖ କାଜୁଆଲ ପୋଷାକ ସହିତ ସନଗ୍ଲାସ ଏବଂ ଏକ ଟୋପି ପିନ୍ଧିଥିଲେ । ପ୍ରଶଂସକଙ୍କ ଭିଡ ସତ୍ୱେ ଶାହରୁଖ ଶାନ୍ତ ରହିବା ସହିତ ସେମାନଙ୍କୁ ଚାହିଁ ସ୍ମିତହାସ୍ୟ ଦେଇଥିଲେ । ତାଙ୍କ ଅଙ୍ଗରକ୍ଷୀମାନେ ତାଙ୍କ ପାଖେ ପାଖେ ରହି ତାଙ୍କ ସୁରକ୍ଷା ବ୍ୟବସ୍ଥା ସୁନିଶ୍ଚିତ କରୁଥିବା ଦେଖିବାକୁ ମିଳିଥିଲା । ଅନେକ ପ୍ରଶଂସକ ତାଙ୍କ ନାମ ଧରି ବଡପାଟିରେ ଡାକିବା ଭିଡିଓ ସାମାଜିକ ଗଣମାଧ୍ୟମରେ ପ୍ରସାରିତ ହେଉଛି । ପ୍ରଶଂସକମାନେ ଶାହରୁଖଙ୍କ ସହିତ କୀର୍ତ୍ତି ସାନୋନ ଏବଂ ପ୍ରବୀଣ ଅଭିନେତ୍ରୀ ରେଖାଙ୍କ ଫଟୋ ଉଠାଇଥିଲେ । ସେପ୍ଟେମ୍ବର ୨୮ରେ ଆବୁଧାବିର ୟସ୍ ଆଇଲାଣ୍ଡରେ ଆଇଆଇଏଫଏ ୨୦୨୪ ଆୟୋଜିତ ହେବାକୁ ଯାଉଛି ।
