ଲେବାନନ: ଦିନକୁ ଦିନ ମଧ୍ୟପ୍ରାଚ୍ୟ ଅଞ୍ଚଳରେ ବିବାଦ ବଢୁଥିବା ବେଳେ ଇସ୍ରାଏଲ ଆକ୍ରମଣରେ ପ୍ରାୟ ଜନଶୂନ୍ୟ ହୋଇ ଗଲାଣି ଦକ୍ଷିଣ ଲେବାନନ। ଇସ୍ରାଏଲ ପ୍ରତିଶୋଧ ପରାୟଣ ହୋଇ ପଡିଥିବା ବେଳେ ହେଜବୋଲ୍ଲା-ଇସ୍ରାଏଲ ମଧ୍ୟରେ ଆକ୍ରମଣ ପ୍ରତଆକ୍ରମଣ ଜାରି ରହିଛି । ତେବେ ଶନିବାର ଲେବାନନର ବେରୁଟରେ ଭୟଙ୍କର ଏୟାର ଷ୍ଟ୍ରାଇକ କରିଛି ଆଇଡିଏଫ। କ୍ରମାଗତ ୩ ଘଣ୍ଟା ଧରି ବେରୁଟରେ ସିରିଜ ବିସ୍ଫୋରଣ ହୋଇଥିବା ସୂଚନା ମିଳିଛି। ହେଜବୋଲ୍ଲାର ବିଭିନ୍ନ ଆଡ୍ଡା ଉପରେ ଆଇଡିଏଫ ପକ୍ଷରୁ ଏୟାର ଷ୍ଟ୍ରାଇକ ଜାରି ରହିଛି । ଦକ୍ଷିଣ ଲେବାନନରେ ୫୦ ରକେଟ ମାଡ଼ କରିଥିବା ସୂଚନା ମିଳିଛି।
ପ୍ରକାଶଥାଉ କି, ଗତବର୍ଷ ଅକ୍ଟୋବର ୭ରେ ଇସ୍ରାଏଲ ଉପରେ ରକେଟ ଆକ୍ରମଣ କରିଥିଲା ହମାସ। ଏହା ପରେ ଆରମ୍ଭ ହୋଇଥିଲା ଯୁଦ୍ଧ। ପ୍ରତିଉତ୍ତର ଦେବାକୁ ଯାଇ ଗାଜାରେ ଆକ୍ରମଣ କରିଥିଲା ଇସ୍ରାଏଲ । ଏହି ଯୁଦ୍ଧକୁ ସୋମବାର ୧ ବର୍ଷ ପୂରଣ ହେବାକୁ ଯାଉଥିବା ବେଳେ ସ୍ଥିତି ସଂଗୀନ ହେବାରେ ଲାଗିଛି।
