କଟକ : ସ୍ଥାନୀୟ ତେଲେଙ୍ଗାପେଣ୍ଠରେ ମଙ୍ଗଳବାର ଭୋର ୫.୩୦ରେ ବସ-ଟ୍ରକ ମଧ୍ୟରେ ଦୁର୍ଘଟଣା ଘଟିଛି । ଏଥିରେ ବସ୍ ହେଲପର ଆହତ ହୋଇଛନ୍ତି । ଆହତଙ୍କ ପରିଚୟ ମିଳି ପରିଚୟ ମିଳିପାରି ଥିବା ବେଳେ ତାଙ୍କୁ ଉଦ୍ଧାର କରି ଏସ୍ସିବି ମେଡ଼ିକାଲରେ ଚିକିତ୍ସା ପାଇଁ ଭର୍ତ୍ତି କରାଯାଇଥିବା ସୂଚନା ମିଳିଛି । ଅନ୍ୟପକ୍ଷରେ ସୌଭାଗ୍ୟ ବଶତଃ ବସର କୌଣସି ଯାତ୍ରୀ ଏହି ଦୁର୍ଘଟଣାରେ ଆହତ ହୋଇ ନଥିବା ବେଳେ ସମସ୍ତଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଥିବା ସୂଚନା ମିଳିଛି ।
ସୂଚନାଯୋଗ୍ୟ, ଫୁଲବାଣୀରୁ କଟକ ଆସୁଥିବା ଏକ ବସ ତେଲେଙ୍ଗାପେଣ୍ଠ ନିକଟରେ ଥିବା ଏକ ଟ୍ରକକୁ ଧକ୍କା ଦେଇଥିଲା । ଏହି ଦୁର୍ଘଟଣାରେ ବସର ସମ୍ମୁଖ ଭାଗ ଭାଙ୍ଗି ଯାଇଥିଲା ବେଳେ ହେଲପର ଆହତ ହୋଇଥିଲେ । ଖବର ପାଇ ସଦର ଥାନା ପୋଲିସ ଘଟଣାସ୍ଥଳରେ ପହଞ୍ଚି ଦୁର୍ଘଟଣା ଘଟାଇଥିବା ଗାଡ଼ିକୁ ଜବତ କରି ଥାନାରେ ଅଟକ ରଖି ଘଟଣାର ତଦନ୍ତ କରୁଛି ।
