ଢେଙ୍କାନାଳ: ଢେଙ୍କାନାଳ ଜିଲ୍ଲା ରାସୋଳ ଥାନା ଅନ୍ତର୍ଗତ ଖରିଡାଳୀ ଗ୍ରାମରେ ଗାଁ ପୋଖରୀରେ ବୁଡ଼ି ଜଣେ ନାବାଳିକା ସମେତ ଜଣେ ମହିଳା ପ୍ରାଣ ହରାଇଥିବା ବେଳେ ଜଣେ ଅନ୍ୟ ଜଣେ ନାବାଳିକା ଗୁରୁତର ଥିବା ଜଣାପଡ଼ିଛି । ମୃତ ମହିଳା ଜଣଙ୍କ ରାସୋଳ ଥାନା ଖରଡାଳୀ ଗ୍ରାମର ଅଞ୍ଜଳି ସେଠି, ମୃତ ଶିଶୁ ଉକ୍ତ ଗ୍ରାମର ମହେଶ୍ୱର ବିଶ୍ୱାଳଙ୍କ କୃଷ୍ଣପ୍ରିୟା ବିଶ୍ୱାଳ (୧୧) ବୋଲି ଜଣାପଡିଛି । ସେହିପରି ଗୁରୁତର ଲିଙ୍କି ସେଠି (୧୦) । ଗୁରୁତର ନାବାଳିକାଙ୍କୁ ଉଦ୍ଧାର କରି ପ୍ରଥମେ ଜିଲ୍ଲା ମୁଖ୍ୟ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ମାତ୍ର ସେଠାରେ ଅବସ୍ଥା ସଙ୍କଟାପନ୍ନ ହେବାରୁ ଅଧିକ ଚିକିତ୍ସା ପାଇଁ କଟକ ସ୍ଥାନାନ୍ତର କରାଯାଇଛି ।ଏହି ଘଟଣାକୁ ନେଇ ଗ୍ରାମରେ ଶୋକାକୂଳ ପରିବେଶ ସୃଷ୍ଟି ହୋଇଛି । ସୂଚନାଯୋଗ୍ୟ, ସ୍ଥାନୀୟ ଗାଁ ପୋଖରୀରେ ଜଣେ ମହିଳା ଓ ଦୁଇ ଶିଶୁ କନ୍ୟା ଗୋଧୋଇବାକୁ ଯାଇଥିଲେ । ଏହି ସମୟରେ ଦୁଇଜଣ ଶିଶୁ ବୁଡି ଯାଉଥିଲେ । ଏହା ଦେଖି ମହିଳା ଜଣଙ୍କ ସେମାନଙ୍କୁ ଉଦ୍ଧାର କରିବାକୁ ଯାଇଥିଲେ । ହେଲେ ସେ ମଧ୍ୟ ପୋଖରୀରେ ବୁଡି ଯାଇଥିଲେ । ଏହି ଖବର ପାଇ ହିନ୍ଦୋଳ ରୋଡ଼ ଦମକଳ ବାହିନୀ ପହଂଚି ପୋଖରୀରୁ ମହିଳା ଓ ଜଣେ ନାବାଳିକାର ମୃତଦେହ ଉଦ୍ଧାର କରିବା ସହ ଗୁରୁତର ନାବାଳିକାଙ୍କୁ ମେଡ଼ିକାଲକୁ ପଠାଇଥିଲେ ।
