ଶ୍ରୀନଗର: ଗୁରୁବାର ଅପରାହ୍ନରେ ଶ୍ରୀନଗରସ୍ଥିତ ଏକ ସ୍କୁଲରେ ଭୟଙ୍କର ଅଗ୍ନିକାଣ୍ଡ ଘଟିଛି । ଏହି ଅଗ୍ନିକାଣ୍ଡ ରାଜବାଗରେ ଥିବା ମୁସଲିମ ପବ୍ଲିକ ସ୍କୁଲରେ ଘଟିଛି । ଏ ସମ୍ପର୍କରେ ସୂଚନା ପାଇ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଛି। ଅଗ୍ନିକାଣ୍ଡର କାରଣ ଅସ୍ପଷ୍ଟ ଥିବା ବେଳେ ମୃତାହତ ସମ୍ପର୍କରେ ମଧ୍ୟ କୌଣସି ସୂଚନା ମିଳିନାହିଁ।
ତେବେ ନିଆଁ ଲାଗିବା ସମୟରେ ସ୍କୁଲରେ ୫୦୦ ଛାତ୍ରଛାତ୍ରୀ ଉପସ୍ଥିତ ଥିବା ଜଣାପଡିଛି । ଘଟଣାସ୍ଥଳରେ ଉଦ୍ଧାରକାର୍ଯ୍ୟ ପାଇଁ ପୋଲିସ ଏବଂ ସିଆରପିଏସ ଟିମ୍ ନିୟୋଜିତ ଅଛନ୍ତି । ଏହି ଘଟଣାରେ ସ୍କୁଲ କୋଠା ଆଶିଂକ ଭାବେ କ୍ଷତିଗ୍ରସ୍ତ ହୋଇଥିବା ସୂଚନା ମିଳିଛି ।
