ମେଲବୋର୍ଣ୍ଣ: ଭାରତ-ଅଷ୍ଟ୍ରେଲିଆ ମଧ୍ୟରେ ୫ ମ୍ୟାଚ ବିଶିଷ୍ଟ ବର୍ଡର-ଗାଭାସ୍କର ଟେଷ୍ଟ ସିରିଜର ଚତୁର୍ଥ ମ୍ୟାଚ ପୂର୍ବରୁ ଭାରତକୁ ଶକ୍ତ ଝଟକା ଲାଗିଛି । ଆସନ୍ତା ୨୬ରୁ ୩୦ ପର୍ଯ୍ୟନ୍ତ ମେଲବୋର୍ଣ୍ଣରେ ଏହି ମ୍ୟାଚ ଖେଳାଯିବାକୁ ଥିବା ବେଳେ ଏହାର ଅବ୍ୟବହିତ ପୂର୍ବରୁ ଅଭ୍ୟାସ ସମୟରେ ଶନିବାର କେ ଏଲ ରାହୁଲଙ୍କୁ ଆଘାତ ଲାଗିଥିବା ବେଳେ ରବିବାର ଅଧିନାୟକ ରୋହିତ ଶର୍ମାଙ୍କ ବାମ ଆଣ୍ଠୁରେ ଆଘାତ ଲାଗିଛି । ଏନେଇ ଏବେ ଭିଡିଓ ଓ ଫୋଟୋ ସୋସିଆଲ ମିଡିଆରେ ଭାଇରଲ ହେବାସହିତ କ୍ରିକେଟପ୍ରେମୀ ମାନଙ୍କ ପାଇଁ ଏକ ଦୁଖଦଃ ଖବର ସାବ୍ୟସ୍ତ ହୋଇଛି ।
ଭିଡିଓରେ ରୋହିତ ଶର୍ମା ଆହତ ହେବା ପରେ ପ୍ୟାଡ ଓହ୍ଲାଇ ଚେୟାରରେ ବସିଥିବା ଦେଖିବାକୁ ମିଳିଛି । ଯନ୍ତ୍ରଣାରୁ ଉପଶମ ପାଇବା ପାଇଁ ଫିଜିଓ ତାଙ୍କ ଆଣ୍ଠୁରେ ବରଫପ୍ୟାକ୍ ଲଗାଉଥିବା ଦେଖିବାକୁ ମିଳିଛି ।
ପ୍ରକାଶଥାଉ କି, ରୋହିତ ଶର୍ମାଙ୍କ ପ୍ରଦର୍ଶନ ବର୍ଡର-ଗାଭାସ୍କର ଟ୍ରଫିରେ ନୈରାଶଜନକ ରହିଥିବା ବେଳେ ଦ୍ବିତୀୟ ଥର ବାପା ହେବା ଯୋଗୁଁ ରୋହିତ ପର୍ଥରେ ଖେଳାଯାଇଥିବା ପ୍ରଥମ ଟେଷ୍ଟ ମ୍ୟାଚ ଖେଳିପାରିନଥିଲେ । ସେହିପରି ଆଡିଲେଡରେ ଖେଳାଯାଇଥିବା ପିଙ୍କ ବଲ୍ ଟେଷ୍ଟରେ ଟିମରେ ମଧ୍ୟକ୍ରମରେ ବ୍ୟାଟିଂ କରି ପ୍ରଥମ ମ୍ୟାଚରେ ୨,୬ ଏବଂ ଦ୍ବିତୀୟ ମ୍ୟାଚରେ ମାତ୍ର ୧୦ ରନ୍ କରିଥିଲେ ।
