ନୂଆଦିଲ୍ଲୀ: ଆସନ୍ତା ବର୍ଷ ଜାନୁଆରୀ ୨୨ ରୁ ଭାରତ ଏବଂ ଇଂଲଣ୍ଡ ମଧ୍ୟରେ ଟି -୨୦ ଏବଂ ଦିନିକିଆ ସିରିଜ୍ ଖେଳାଯିବାକୁ ଥିବା ବେଳେ ଇଂଲଣ୍ଡ ପକ୍ଷରୁ ଟିମ ଘୋଷଣା କରାଯାଇଛି। ୱେଲ୍ସ କ୍ରିକେଟ୍ ବୋର୍ଡ ଦଳ ଘୋଷଣା କରିଥିବା ବେଳେ ଅଧିନାୟକ ଭାବେ ଜୋସ୍ ବଟଲରଙ୍କୁ ଦାୟିତ୍ୱ ଦିଆଯାଇଛି। ବଟଲର ଜଣେ ଅଭିଜ୍ଞ ଖେଳାଳି ଏବଂ ସେ ଅନେକ ଥର ଚମତ୍କାର ପ୍ରଦର୍ଶନ କରି ପ୍ରଶଂସା ସାଉଁଟିଛନ୍ତି । ସେହିପରି ଜୋଫ୍ରା ଆର୍ଚର ଓ ଗସ୍ ଆଟକିନ୍ସନ ମଧ୍ୟ ଉଭୟ ଦିନିକିଆ ଏବଂ ଟି ୨୦ ଦଳରେ ସ୍ଥାନ ପାଇଛନ୍ତି। ହ୍ୟାରି ବ୍ରୁକ୍ ଏବଂ ବେନ୍ ଡକେଟଙ୍କ ଉପରେ ମଧ୍ୟ ବୋର୍ଡ ଆତ୍ମବିଶ୍ୱାସ ପ୍ରକାଶ କରିଥିବା ଦେଖିବାକୁ ମିଳିଛି।
ସୂଚନାଯୋଗ୍ୟ ଯେ, ଆସନ୍ତା ଫେବୃଆରୀ ୬ ରୁ ଭାରତ ଏବଂ ଇଂଲଣ୍ଡ ମଧ୍ୟରେ ତିନି ମ୍ୟାଚ୍ ବିଶିଷ୍ଟ ଦିନିକିଆ ସିରିଜ୍ ଖେଳାଯିବ। ଏହି ଦିନିକିଆ ସିରିଜ୍ ପାଇଁ ଇଂଲଣ୍ଡରେ ଅଭିଜ୍ଞ ବୋଲର ଜୋଫ୍ରା ଆର୍ଚର ଏବଂ ମାର୍କ ଉଡ଼, ଜାମି ସ୍ମିଥ, ଫିଲ୍ ସଲଟ ଏବଂ ଆଦିଲ ରସିଦଙ୍କୁ ସାମିଲ କରାଯାଇଛି। ଜାମି ଓଭରଟନ୍ ଏବଂ ସାକିବ ମହମୁଦ ମଧ୍ୟ ଦଳରେ ସ୍ଥାନ ପାଇବାରେ ସଫଳ ହୋଇଛନ୍ତି। ସେହିପରି ଇଂଲଣ୍ଡର ଟି-୨୦ ସିରିଜରେ ବଟଲର ଅଧିନାୟକ ହେବେ। ଆର୍ଚର ଉଭୟ ଟି -୨୦ ଏବଂ ଦିନିକିଆ ସିରିଜରେ ଖେଳିବେ।
ଭାରତ ବିପକ୍ଷ ଦିନିକିଆ ସିରିଜ୍ ପାଇଁ ଇଂଲଣ୍ଡ ଦଳ – ଜୋସ୍ ବଟଲର୍ (ଅଧିନାୟକ), ଜୋଫ୍ରା ଆର୍ଚର, ଗସ୍ ଆଟକିନ୍ସନ୍, ଜେକଵ ବେଥେଲ, ହ୍ୟାରି ବ୍ରୁକ୍, ବ୍ରାଇଡନ୍ କାର୍ସେ, ବେନ୍ ଡକେଟ୍, ଜାମି ଓଭରଟନ୍, ଜାମି ସ୍ମିଥ୍, ଲିଆମ୍ ଲିଭିଙ୍ଗଷ୍ଟୋନ୍, ଆଦିଲ୍ ରସିଦ, ଜୋ ରୁଟ୍, ସାକିବ ମହମୁଦ , ଫିଲ୍ ସଲଟ , ମାର୍କ ଉଡ଼।
