ଖରାପ ଜୀବନ ଜୀବନଶୈଳୀ ଯୋଗୁଁ ଲୋକମାନେ ଅନେକ ରୋଗ ହୋଇଥାଏ | ଏଥି ମଧ୍ୟରୁ ଗୋଟିଏ ହେଉଛି ଉଚ୍ଚ ରକ୍ତଚାପର ରୋଗ | ଅଧିକାଂଶ ଲୋକ ଏହାକୁ ଅତ୍ୟନ୍ତ ଗମ୍ଭୀର ମନେ କରନ୍ତି ନାହିଁ | ଯଦି ଏହା ଠିକ ସମୟରେ ଚିକିତ୍ସା କରା ନ ଯାଏ, ତେବେ ଏହା ହୃଦଘାତ ଏବଂ କିଡନୀ ସମ୍ବନ୍ଧୀୟ ସମସ୍ୟା ଭଳି ଅନେକ ଗୁରୁତର ରୋଗ ସୃଷ୍ଟି କରିପାରେ । ତେଣୁ ବଢୁଥିବା ରକ୍ତଚାପକୁ ନିୟନ୍ତ୍ରଣ କରିବା ଅତ୍ୟନ୍ତ ଜରୁରୀ । ସାଧାରଣତଃ ଲୋକମାନେ ଏହାକୁ ନିୟନ୍ତ୍ରଣ କରିବା ପାଇଁ ଔଷଧ ଉପରେ ନିର୍ଭର ହୋଇଥାନ୍ତି । କିନ୍ତୁ ଆପଣମାନେ ଜାଣନ୍ତି କି, ଔଷଧ ବ୍ୟତୀତ ରକ୍ତ ଚାପକୁ ନିୟନ୍ତ୍ରଣ କରିବାରେ ଉପଯୁକ୍ତ ଖାଦ୍ୟ ମଧ୍ୟ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିପାରିବ । ତେବେ ଆସନ୍ତୁ ଜାଣିବା ସେଇ ଖାଦ୍ୟ ବିଷୟରେ …
ବିଟ୍ : ହାଇ ବ୍ଲଡ୍ ପ୍ରେସର ନିୟନ୍ତ୍ରଣ କରିବାରେ ବିଟ୍ ବେଶ ଉପକାରୀ । ପ୍ରତିଦିନ ସକାଳେ ବିଟ୍ କୁ ଜୁସ କରି ପିଇବା ଦ୍ୱାରା ରକ୍ତ ପ୍ରବାହରେ ଉନ୍ନତି ହୋଇଥାଏ ଏବଂ ରକ୍ତ ଚାପକୁ ହ୍ରାସ କରିଥାଏ ।
ସବୁଜ ପନିପରିବା :- ସୁସ୍ଥ ଶରୀର ପାଇଁ ସବୁଜ ପନିପରିବା ବେଶ ଲାଭଦାୟକ ଅଟେ । ଏହା କେବଳ ସ୍ୱାସ୍ଥ୍ୟରେ ଉନ୍ନତି ଆଣେ ନାହିଁ ବରଂ ହାଇ ବ୍ଲଡ୍ ପ୍ରେସର ଭଳି ସମସ୍ୟାକୁ ନିୟନ୍ତ୍ରଣ କରିବାରେ ସାହାଯ୍ୟ କରିଥାଏ । ପାଳଙ୍ଗ ପରି ପତ୍ରଯୁକ୍ତ ସବୁଜ ପନିପରିବା ପୋଟାସିୟମ୍, ଏବଂ ଆଣ୍ଟିଅକ୍ସିଡାଣ୍ଟରେ ଭରପୂର , ଯାହା ଶରୀରରେ ରକ୍ତ ଚାପକୁ ନିୟନ୍ତ୍ରଣ କରିବାରେ ସାହାଯ୍ୟ କରିଥାଏ ।
ରସୁଣ :- କଞ୍ଚା ରସୁଣ, ଯାହା ସାଧାରଣତଃ ଏହାର ଔଷଧିୟ ଗୁଣ ପାଇଁ ଜଣାଶୁଣା। ଏଥିରେ ଥିବା ଅନେକ ବିଶେଷ ତତ୍ତ୍ୱ ମାଂସପେଶୀକୁ ଆରାମ ଦେବା ସହ ବ୍ଲଡ୍ ଭେସଲ୍ସକୁ ପ୍ରସାର ହେବାରେ ସାହାଯ୍ୟ କରିଥାଏ । ଫଳସ୍ୱରୁପ, ରକ୍ତ ପ୍ରବାହରେ ଉନ୍ନତି ହୁଏ, ଯାହା ରକ୍ତଚାପକୁ ନିୟନ୍ତ୍ରଣ ରଖେ ।
କଦଳୀ :- ପୋଟାସିୟମରେ ଭରପୂର କଦଳୀ ମଧ୍ୟ ହାଇ ବ୍ଲଡ୍ ପ୍ରେସର ନିୟନ୍ତ୍ରଣ କରିବାରେ ସହାୟକ ହୋଇଥାଏ । ଦିନକୁ ଗୋଟିଏ କଦଳୀ ଖାଇବା ଦ୍ୱାରା କେବଳ ଆପଣ ରକ୍ତଚାପକୁ ନିୟନ୍ତ୍ରଣ କରିପାରିବେ ନାହିଁ ବରଂ ଏହା ସହ ଜଡ଼ିତ ଅନେକ ସ୍ୱାସ୍ଥ୍ୟ ସମସ୍ୟାକୁ ମଧ୍ୟ ରୋକିପାରିବେ । କଦଳୀ ହେଉଛି ଏକ ଏପରି ଫଳ, ଯାହା ସହଜରେ ଖାଦ୍ୟରେ ଅନ୍ତର୍ଭୁକ୍ତ ହୋଇପାରିବ
