ଭୁବନେଶ୍ୱରର ଏକ ଘରୋଇ କଲେଜରେ ଘଟିଛି ଏକ ଅଭାବନୀୟ ଘଟଣା । ପ୍ରେମ ବ୍ୟାପରକୁ ନେଇ ଫୁଟିଛି ଗୁଳି । ଏହି ଗୁଳିମାଡରେ ଜଣେ ଛାତ୍ର ଗୁରୁତର ହୋଇଛନ୍ତି । ପ୍ରେମ ବ୍ୟାପରକୁ ନେଇ ଜଣେ ଛାତ୍ର ଆଉ ଜଣେ ଛାତ୍ରକୁ ଗୁଳିମାଡ କରିଛି । ଗୁଳିଟି ଛାତ୍ରର ଜଂଘରେ ବାଜିଛି । ଏହି ଘଟଣାକୁ ନେଇ କଲେଜ ପରିସରରେ କିଛି ସମୟ ପାଇଁ ଉତ୍ତେଜନା ଲାଗି ରହିଥିଲା । ଉଭୟ ଗୋଷ୍ଠୀର ପିଲାମାନେ କଲେଜରେ ଗଣ୍ଡଗୋଳ କରିଥିବା ଭିଡିଓ ମଧ୍ୟ ସାମ୍ନକୁ ଆସିଛି ।
ବିହାରର ଜଣେ ଛାତ୍ର ଏହି ଗୁଳିମାଡ କରିଥିବା ଜଣା ପଡିଛି । ସବୁଠାରୁ ବଡ ଆଶ୍ଚର୍ଯ୍ୟର ଘଟଣା ଗୋଟିଏ ଶିକ୍ଷାନୁଷ୍ଠାନ ଭିତରକୁ ବନ୍ଧୁକ କେମିତି ଆସିଲା । ଏହି ଛାତ୍ରକୁ କିଏ ବନ୍ଧୁକ ଯୋଗଇଥିଲା ତାକୁ ନେଇ ଏବେ ଅନେକ ପ୍ରଶ୍ନଉଠିଛି । ମାମଲା ଥାନାରେ ପହଞ୍ଚଥିଲେ ମଧ୍ୟ କାହାକୁ ଗିରଫ ନକରି ଘଟଣାକୁ ଚପାଇ ଦେବାକୁ ପ୍ରୟାସ ଚାଲିଛି । କଲେଜ କର୍ତ୍ତ୍ପକ୍ଷଙ୍କ ଉପସ୍ଥିତିରେ ଏହି ଘଟଣା ଘଟିଥିଲେ ମଧ୍ୟ ସମସ୍ତେ ନୀରବ ରହିଥିଲେ ।
