ମୁମ୍ବଇ: ବଲିଉଡ ଅଭିନେତ୍ରୀ ଆଲିଆ ଭଟ୍ଟ ପ୍ରଥମ ଥର ପାଇଁ ପ୍ୟାରିସ ଫାଶନ ୱିକ୍ରେ ଯୋଗ ଦେଇଛନ୍ତି । ସେପ୍ଟେମ୍ବର ୨୩ରେ ସେ ର୍ୟାମ୍ପରେ ଚାଲିବା ସହିତ ଉପସ୍ଥିତ ସମସ୍ତ ଦର୍ଶକ ଓ ବିଚାରକଙ୍କ ମନ ଜିଣିନେଇଛନ୍ତି । ଏକ ମେଟାଲିକ ସିଲଭର ଜମ୍ପସୁଟରେ ଆଲିଆ ଚମକ୍ରାର ଦେଖାଯାଉଥିଲେ । ସେ ଏଥିରେ ଲୋରିଅଲ ପ୍ୟାରିସର ପ୍ରତିନିଧିତ୍ୱ କରିଛନ୍ତି । ଆମେରିକୀୟ ଅଭିନେତା ଆଣ୍ଡି ମ୍ୟାକଡୋୱେଲଙ୍କ ସହିତ ତାଙ୍କୁ ଦେଖିବାକୁ ମିଳିଥିଲା । ପ୍ୟାରିସର ପାଲାଇସ ଗାର୍ନିଅର ଅପେରା ହାଉସରେ ଏହି ପ୍ରତିଯୋଗିତା ଆୟୋଜିତ ହୋଇଛି । ଆଲିଆଙ୍କ ପୋଷାକ ଓ ଆକର୍ଷଣୀୟ ଚାଲି ସହିତ ତାଙ୍କର ୱେଟ-ହେୟାର ଷ୍ଟାଇଲ ତାଙ୍କୁ ଅଧିକ ମନୋରମ କରି ଗଢିତୋଳିଥିଲା । ଦର୍ଶକମାନଙ୍କୁ ଚାହିଁ ଆଲିଆ ସ୍ମିତହାସ୍ୟ ଦେବା ସହିତ ସେମାନଙ୍କୁ ହାତ ହଲାଇଥିଲେ ଏବଂ ଫ୍ଲାଇଂ କିସ ଦେଇଥିଲେ । ଆଲିଆଙ୍କ ବ୍ୟତୀତ ଏହି ଫାଶନ ୱିକରେ ଅଭିନେତ୍ରୀ ଐଶ୍ୱର୍ଯ୍ୟା ରାୟ ମଧ୍ୟ ଅଂଶଗ୍ରହଣ କରୁଛନ୍ତି ।
