କଟକ : ମା ଦୁର୍ଗାଙ୍କ ଆରାଧନାରେ ସାରା ରାଜ୍ୟ। ଘଣ୍ଟ ଘଣ୍ଟା ସାଙ୍ଗକୁ ପାରମ୍ପରିକ ବାଦ୍ୟରେ ପ୍ରକମ୍ପିତ ଶକ୍ତିପୀଠ ସହ ବିଭିନ୍ନ ମଣ୍ଡପରେ ମାଙ୍କର ମହାନବମୀ ପୂଜା ପାଇଁ ଭକ୍ତଙ୍କ ସମାଗମ ଦେଖିବାକୁ ମିଳୁଛି। କଟକରେ ସୁନା ଚାନ୍ଦିର ମେଢ଼ ସାଙ୍ଗକୁ ଆଲୋକସଜ୍ଜାର ଆକର୍ଷଣ ମନମୋହୁଛି ସାରା କଟକ ସହର । ଦଶହରା ପର୍ବରେ କଟକ ସହରକୁ ମୁଖ୍ୟମନ୍ତ୍ରୀ ମୋହନ ମାଝୀ ବଡ଼ ଉପହାର ଦେଇଛନ୍ତି ।
ସୂଚନା ଅନୁଯାୟୀ, କଟକର ବିଭିନ୍ନ ପୂଜା ମଣ୍ଡପରେ ମା’ଙ୍କ ଦର୍ଶନ କରିବା ସହ ମୁଖ୍ୟମନ୍ତ୍ରୀ ମୁଖ୍ୟମନ୍ତ୍ରୀ ମୋହନ ମାଝୀ ବଡ଼ ଘୋଷଣା କରିଛନ୍ତି । କଟକକୁ ସିଲଭର ସିଟିରୁ ସ୍ମାର୍ଟ ସିଟି କରିବା ଦିଗରେ ସରକାର ସଚେତନା ଅଛନ୍ତି । ପୂର୍ବରୁ କଟକକୁ ସ୍ମାର୍ଟ ସିଟି କରିବା ପାଇଁ ବହୁ ଦାବି ହୋଇ ଆସିଛି । ତେଣୁ ବର୍ତ୍ତମାନ କଟକକୁ ଏକ ସ୍ମାର୍ଟ ସିଟିର ପରିଚୟ ପ୍ରଦାନ କରିବା ପାଇଁ ସମୟ ଆସିଛି । ତେବେ ପରବର୍ତ୍ତୀ ପର୍ଯ୍ୟାୟରେ କଟକ ଆସି ଏ ନେଇ ରିଭ୍ୟୁ କରିବାକୁ ପ୍ରତିଶ୍ରୁତି ଦେଇଛନ୍ତି ମୁଖ୍ୟମନ୍ତ୍ରୀ ।
