ବଲିଉଡ ଷ୍ଟାର ଦମ୍ପତି ଦୀପିକା ପାଦୁକୋନ ଏବଂ ରଣଵୀର ସିଂ ତାଙ୍କ ପ୍ରଥମ ସନ୍ତାନକୁ ଦୁନିଆକୁ ସ୍ୱାଗତ କରିଛନ୍ତି ।ଡାକ୍ତରଖାନାରେ ଭର୍ତ୍ତି ହେବାର ଗୋଟିଏ ଦିନ ପରେ ଦୀପିକା ଏକ କନ୍ୟା ସନ୍ତାନକୁ ଜନ୍ମ ଦେଇଛନ୍ତି। ଶନିବାର ଦୀପିକା ପାଦୁକୋନଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିବା ନେଇ ଚର୍ଚ୍ଚା ଆରମ୍ଭ ହୋଇଥିଲା। ତେବେ ମିଳିଥିବା ସୂଚନା ଅନୁଯାୟୀ ଉଭୟ ଏକ କନ୍ୟା ସନ୍ତାନର ପିତାମାତା ହୋଇଛନ୍ତି ।
ଶୁକ୍ରବାର ଦିନ ଦୀପିକା ଏବଂ ରଣଵୀର ନିଜ ପରିବାର ସହ ମୁମ୍ବାଇର ସିଦ୍ଧିବିନାୟକ ମନ୍ଦିର ପରିଦର୍ଶନ କରିଥିଲେ ଓ ଶନିବାର ଦିନ ଦୀପିକାଙ୍କୁ ମୁମ୍ବାଇର ଏଚ. ଏନ ରିଲାଏନ୍ସ ହସ୍ପିଟାଲ ଯାଉଥିବାର ଦେଖାଯାଇଥିଲା । ଏହାର ଗୋଟିଏ ଦିନପରେ ନିଜ ଫ୍ୟାନ୍ସ ଫଲୋୟର୍ସଙ୍କୁ ଖୁସି ଖବର ଦେଇଛନ୍ତି ଦୀପିକା। ବିବାହର ୬ ବର୍ଷ ପରେ ଘରେ ଲକ୍ଷ୍ମୀଙ୍କୁ ସ୍ୱାଗତ କରିଛନ୍ତି ଦମ୍ପତ୍ତି। ୨୦୧୨ରେ ରଣଵୀର ଏବଂ ଦୀପିକା ମଧ୍ୟରେ ପ୍ରେମସମ୍ପର୍କ ଆରମ୍ଭ ହେବା ପରେ ଏହି ଦମ୍ପତି ୨୦୧୮ ମସିହା ନଭେମ୍ୱର ୧୪ ରେ ବିବାହ କରିଥିଲେ ।
