ଖଲ୍ଲିକୋଟ ୧୯ ।୧୦: ଗଞ୍ଜାମ ଜିଲ୍ଲା ଖଲ୍ଲିକୋଟ ଥାନା ଅର୍ନ୍ତଗତ ମାଣିକପୁର ଗାଁରେ ବେଆଇନ ଭାବେ ବାଣ ପ୍ରସ୍ତୁତି ବେଳେ ବିସ୍ଫୋରଣ ଘଟିଛି । ଏଥିରେ ୬ ଜଣ ଆହତ ହୋଇଥିବା ବେଳେ ସେମାନଙ୍କ ମଧ୍ୟରୁ ୪ଜଣ ଅବସ୍ଥା ଗୁରୁତର ରହିଛି । ଆହତଙ୍କୁ ସ୍ଥାନୀୟ ମେଡ଼ିକାଲରେ ଭର୍ତ୍ତି କରାଯାଇଥିବା ବେଳେ ଗୁରୁତରଙ୍କୁ ଅଧିକ ଚିକିତ୍ସା ପାଇଁ ବ୍ରହ୍ମପୁର ମେଡ଼ିକାଲକୁ ସ୍ଥାନାନ୍ତର କରାଯାଇଛି । ତେବେ ଆହତ ସମସ୍ତ ନାବାଳକ ଥିବା ସୂଚନା ମିଳିଛି । ଅନ୍ୟପକ୍ଷରେ ଅଗ୍ନିଶମ ବାହିନୀ ଘଟଣାସ୍ଥଳରେ ନିଆଁକୁ ଆୟତ୍ତ କରୁଥିବା ବେଳେ ପୋଲିସ ପହଞ୍ଚô ତଦନ୍ତ ଆରମ୍ଭ କରିଛି । ଏହାସହ ବୋମା ସ୍କ୍ୱାଡ଼ ଓ ସାଇଣ୍ଟିଫିକ ଟିମ୍ଙ୍କୁ ଏ ସଂକ୍ରାନ୍ତରେ ସୂଚନା ଦିଆଯାଇଥିବା ଜଣାପଡ଼ିଛି । ତେବେ ନାବାଳକମାନେ କେତେ ଦିନ ଧରି ବାଣି ତିଆାରି କରିଆସୁଥିଲେ, ଆଉ କିଛି ବାଣ ଗଚ୍ଛିତ ରହିଛି ନା ତଦନ୍ତ ବେଳେ ଜଣାପଡ଼ିବ । ସୂଚନାରୁ ପ୍ରକାଶ ଯେ, ଶନିବାର ସାଢ଼େ ୨ରେ ଏକ ନିଛାଟିଆ ସ୍ଥାନରେ ଥିବା ଏକ ଘରେ ନାବାଳକମାନେ ବେଆଇନ ଭାବେ ବାଣ ପ୍ରସ୍ତୁତ କରୁଥିଲେ । ହେଲେ ଏହି ସମୟରେ ହଠାତ୍ ଅତର୍କିତ ବିସ୍ଫୋରଣ ହୋଇଥିଲା । ଫଳରେ ଘରର ଛାତ ଉଡ଼ିବା ସହ କାନ୍ଥ ମଧ୍ୟ ଭାଙ୍ଗି ଯାଇଥିଲା ।
