ଫୁଲବାଣୀ : ସାରା ବିଶ୍ୱକୁ ପୋଲିଓ ମୁକ୍ତ କରିବା ଲକ୍ଷ୍ୟ ନେଇ ଗୁରୁବାର ବିଶ୍ୱ ପୋଲିଓ ଦିବସ ଅବସରରେ ଫୁଲବାଣୀ ରୋଟାରୀ କ୍ଲବ ପକ୍ଷରୁ ଏକ ସଚେତନତା ରାଲି ଅନୁଷ୍ଠିତ ହୋଇଯାଇଛି।
ରାଲି ମେଡିକାଲ ଛକରୁ ବାହାରି କୋର୍ଟ ଛକ ଦେଇ ବିଜୁ ପଟ୍ଟନାୟକ ଛକରେ ପହଞ୍ଚିଥିଲା। ରୋଟାରୀ କ୍ଲବ ର ପୂର୍ବତନ ସଭାପତି, ସମାଜସେବୀ ରୋଟାରୀଆନ ତଥା ପୋଲିଓ ପ୍ଲସ ଅଧ୍ୟକ୍ଷ କୁନ୍ଦନ ସିଂହଙ୍କ ନେତୃତ୍ୱରେ ଫୁଲବାଣୀ ସରକାରୀ ଏଏନ୍ଏମ୍ ଟ୍ରେନିଂ ସେଣ୍ଟରର ଛାତ୍ରୀମାନେ ହାତରେ ବ୍ୟାନର ଓ ପ୍ଲାକାର୍ଡ ଧରି ସ୍ଲୋଗାନ ଦେଇ ମେଡିକାଲ ଛକରୁ ବାହାରି କୋର୍ଟ ଛକ, ଗୋପବନ୍ଧୁ ଛକ ଦେଇ ବିଜୁପଟ୍ଟନାୟକ ଛକରେ ପହଂଚି ଥିଲେ।
ସରକାରୀ ଏଏନଏମ ଟ୍ରେନିଂ ସେଣ୍ଟରର ଟୁୁ୍ୟଟର ପ୍ରଦୀପ୍ତା ମଞ୍ଜରୀ କିସାନ ସହଯୋଗ କରିଥିଲେ।
ରାଲିରେ ରୋଟାରୀ କ୍ଲବର ବରିଷ୍ଠ ସଦସ୍ୟ ପୂର୍ବତନ ସଭାପତି ପ୍ରଶାନ୍ତ ପାଣିଗ୍ରାହୀ, ପଦ୍ମ ଚରଣ ସ୍ୱାଇଁ, ପ୍ରସନ୍ନ ପଣ୍ଡା, ମନୋରଞ୍ଜନ ପଟ୍ଟନାୟକ, ପ୍ରକାଶ ପଣ୍ଡା, ପ୍ରେସ କ୍ଲବ ସଭାପତି ତଥା ରୋଟାରୀଆନ ସୁନୀଲ ପଟ୍ଟନାୟକ, ସମ୍ପାଦକ ବିଜୟ ପଟ୍ଟନାୟକ,ବିରଜା ନାହାକ,ପୂର୍ବତନ ସଭାପତି ରବୀନ୍ଦ୍ର ସୁବୁଦ୍ଧି, ଦେବେନ୍ଦ୍ର ପାତ୍ର, ବିରାଜିନୀ ମହାପାତ୍ର, ମିନି ନାୟକ,ଇଂ କେ ଜ୍ଞାନ ରଞ୍ଜନ ଦୋରା ପ୍ରମୁଖ ରାଲିରେ ସାମିଲ ଥିଲେ।
