ଭୁବନେଶ୍ୱର : ବାତ୍ୟା ଦାନା ସ୍ଥଳଭାଗ ଛୁଇଁଛି। ମଧ୍ୟରାତ୍ରରୁ ତାଣ୍ଡବ ରଚିଥିବା ବାତ୍ୟା ଦାନା ବହୁ ଅଞ୍ଚଳରେ ନିଜର ତାଉ ଦେଖାଇଛି। ବାତ୍ୟା ଦାନା ଦୃଷ୍ଟିରେ ରଖି ବୁଧବାର ଅପରାହ୍ନରୁ ଭୁବନେଶ୍ୱର, କୋଲକାତା ବିମାନବନ୍ଦରରୁ ବିମାନ ଚଳାଚଳକୁ ବନ୍ଦ କରାଯାଇଥିଲା । ଶୁକ୍ରବାର ବିମାନସେବା ସ୍ୱାଭାବିକ ହୋଇଛି । ସକାଳ ୮ଟାରୁ ଭୁବନେଶ୍ୱର ବିମାନ ସେବା ସ୍ୱାଭାବିକ ହୋଇଛି । ବିମାନସେବା ନିର୍ଦ୍ଦେଶକ ପ୍ରସନ୍ନ ପ୍ରଧାନ ଏହି ସୂଚନା ଦେଇଛନ୍ତି।
ଅନ୍ୟପଟେ ବାତିଲ ଟ୍ରେନ୍ ଛଡ଼ା ଅନ୍ୟ ଟ୍ରେନ୍ ସମୟ ଅନୁସାରେ ଗଡ଼ିବ ବୋଲି ପୂର୍ବତଟ ରେଲବିଭାଗ ପକ୍ଷରୁ ଶୁକ୍ରବାର ସୂଚନା ଜାରି ହୋଇଛି। ବିଶାଖାପାଟଣା ପଟୁ ଡାଉନ ଟ୍ରେନ୍ ଭୁବନେଶ୍ୱର, ହାୱଡ଼ାକୁ ଗଡ଼ିଛି। ସେହିପରି ଖଡ଼ଗପୁର ପଟୁ ବିଶାଖାପାଟଣା ଅପ୍ ଟ୍ରେନ ୨ଟାରେ ଭଦ୍ରକ ପହଞ୍ଚିବ। ହାୱଡା-ବେଙ୍ଗାଲୁରୁ ଦୂରନ୍ତ ଏକ୍ସପ୍ରେସ୍ ୧୨ଟା ୪୫ରେ ଭୁବନେଶ୍ୱର ଓ ପୁରୀରୁ ଗଡ଼ିବ।
