ଢେଙ୍କାନାଳ : ଢେଙ୍କାନାଳ ଜିଲ୍ଲା ସଦର ଥାନ ଭାପୁର ଫାଣ୍ଡି ଅନ୍ତର୍ଗତ ଇଛାପୁର ତାମଣ୍ଡା ଘଟି ଜଙ୍ଗଲ ନିକଟ ଘାଟି ରସ୍ତାରେ ଏକ ବୋଲେରୋ ଭାରସାମ୍ୟ ହରାଇ ଓଲଟି ପଡ଼ିଛି। ଏଥିରେ ୩ଜଣ ସାଙ୍ଗ ମଧ୍ୟରୁ ୨ଜଣଙ୍କର ମୃତ ହୋଇଥିବା ବେଳେ ଜଣେ ଗୁରୁତର ହୋଇ କଟକ ବଡ ମେଡିକାଲକୁ ସ୍ଥାନାନ୍ତର ହୋଇଛନ୍ତି। ଏ ସମସ୍ତେ ସଦର ଥାନା କାଣ୍ଡବିନ୍ଧା ଗ୍ରାମର ବୋଲି ଜଣାପଡିଛି। ମୃତକ ୨ଜଣ ହେଲେ ସାଗର ପରିଡା ଓ ସିଲୁ ବେହେରା। ଅନିଲ ପ୍ରଧାନ ଗୁରୁତର ହୋଇ ଜିଲ୍ଲା ମୁଖ୍ୟ ଚିକିତ୍ସାଲୟରୁ କଟକ ସ୍ଥାନାନ୍ତର ହୋଇଛନ୍ତି। ସମସ୍ତେ ବୋଲେରୋ ଯୋଗେ କାଣ୍ଡବିନ୍ଧା ଗ୍ରାମରୁ ତାମଣ୍ଡାଦେଇ ଭାପୁରୁକୁ ଯାଉଥିବା ବେଳେ ଦିନ ପ୍ରାୟ ୩ଟାବେଳେ ଦୁର୍ଘଟଣା ଘଟିଥିଲା। ସେହି ରାସ୍ତାଦେଇ ଯାଉଥିବା ଲକ୍ଷ୍ମୀ ବସର ଚାଳକ ବସରେ ସମସ୍ତଙ୍କୁ ଉଦ୍ଧାର କରି ସେମାନଙ୍କୁ ଜିଲ୍ଲା ମୁଖ୍ୟ ଚିକିତ୍ସାଲୟରେ ଭର୍ତ୍ତି କରିଥିଲେ। ଘଟଣାସ୍ଥଳରେ ଭାପୁର ପୋଲିସ ପହଞ୍ଚି ଘଟଣାର ଅନୁସନ୍ଧାନକରୁଛି।
