ଭଦ୍ରକ : ଭଦ୍ରକ ସହର ପୁରୁଣାବଜ଼ାର ଥାନା ନିକଟସ୍ଥ ହେଲାସାହିଠାରେ ପୁଣି ନକଲି ଜର୍ଦା ତିଆରି କାରଖାନା ଉପରେ ପୁଲିସ ଚଢ଼ଉ କରିଛି । ଚଢ଼ଉ ବେଳେ ନାମୀ ଦାମୀ ବ୍ରାଣ୍ଡର ନକଲି ଜର୍ଦ୍ଦା ସହ ଲୋଗ ଷ୍ଟିକର, ଜର୍ଦ୍ଦା ପ୍ରସ୍ତୁତ ହେଉଥିବା ଯନ୍ତ୍ରକୁ ଜବତ ହୋଇଛି । ଜବତ ନକଲି ଜର୍ଦ୍ଦାର ଆନୁମାନିକ ମୂଲ୍ୟ ୩ ଲକ୍ଷରୁ ଊର୍ଦ୍ଧ୍ୱ ହେବ ବୋଲି ଜଣାପଡ଼ିଛି । ଅନ୍ୟପକ୍ଷରେ କାରଖାନାର ମାଲିକ ଫେରାର ଥିବା ଜଣାପଡ଼ିଛି । ପ୍ରକାଶଥାଉକି, ଦୀର୍ଘ ଦିନ ହେବ ସହରର ପୁରୁଣା ବଜାର ହେଲାସାହି ନିକଟରେ ନକଲି ଜର୍ଦ୍ଦା ପ୍ରସ୍ତୁତ ହେଉଥିବା ନେଇ ପୋଲିସକୁ ବିଶେଷ ସୂତ୍ରରୁ ଖବର ମିଳିଥିଲା । ଏହି ଖବରକୁ ଆଧାର କରି ଭଦ୍ରକ ଏସ୍ପିଙ୍କ ନିର୍ଦ୍ଦେଶକ୍ରମେ ହେଲାସାହି ନିକଟରେ ଥିବା ତିନୋଟି ଘର ଉପରେ ପୋଲିସ ଅଧିକାରୀମାନେ ଚଢ଼ଉ କରିଥିଲେ ।
