ଭୁବନେଶ୍ୱର : ଓଡ଼ିଶା ଆଦର୍ଶ ବିଦ୍ୟା ପ୍ରବେଶିକା ପରୀକ୍ଷା ଏବଂ ଓଡିଶା ଖଣି ଆଦର୍ଶ ବିଦ୍ୟା ପ୍ରବେଶିକା ପରୀକ୍ଷା ଜାନୁଆରୀ ୭ ତାରିଖରେ ଅନୁଷ୍ଠିତ ହେବାକୁ ଯାଉଛି। ଷଷ୍ଠ, ସପ୍ତମ, ଅଷ୍ଟମ ଓ ନବମ ଶ୍ରେଣୀରେ ନାମଲେଖା ପାଇଁ ଏହି ପରୀକ୍ଷା ହେବ। ତେବେ ସକାଳ ୯ ଟାରୁ ୧୧ ପର୍ଯ୍ୟନ୍ତ ଷଷ୍ଠ ଶ୍ରେଣୀ ପରୀକ୍ଷା। ସକାଳ ୯ ଟାରୁ ୧୨ ପର୍ଯ୍ୟନ୍ତ ସପ୍ତମ, ଅଷ୍ଟମ ଓ ନବମ ଶ୍ରେଣୀ ପରୀକ୍ଷା କରାଯିବ। ମାଧ୍ୟମିକ ଶିକ୍ଷା ପରିଷଦ ପକ୍ଷରୁ କରାଯାଉଛି ଏହି ପରୀକ୍ଷା । ତେବେ ଛାତ୍ରଛାତ୍ରୀମାନେ ବୋର୍ଡର ୱେବସାଇଟକୁ ଯାଇ ଆଡ଼ମିଟ କାର୍ଡ ଡାଉନ ଲୋଡ଼ କରିପାରିବେ। ନିଜର ନାମ, ପିତାଙ୍କ ନାମ ଓ ଶ୍ରେଣୀ ତଥ୍ୟ ଦେଇ ଡିସେମ୍ବର ୩୦ରୁ ଡାଉନ ଲୋଡ଼ କରି ହେବ ଏହି ଆଡ଼ମିଟ କାର୍ଡ।
