ଓ୍ବାଶିଂଟନ: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ‘ପାଟ୍ରିଅଟ୍ ଅଫ୍ ଦ ଇୟର୍’ ପୁରସ୍କାରରେ ସମ୍ମାନୀତ କରାଯାଇଛି। ନ୍ୟୁୟର୍କର ବ୍ରୁକ୍ଜିଲେ ସ୍ଥିତ ଟାଇଲ୍ସ ସେଣ୍ଟର ଫର୍ ପର୍ଫରମିଂ ଆର୍ଟଠାରେ ଗୁରୁବାର ଫକ୍ସ ନେସନ୍ ପକ୍ଷରୁ ଆୟୋଜିତ କାର୍ଯ୍ୟକ୍ରମରେ ଟ୍ରମ୍ପଙ୍କୁ ପୁରସ୍କୃତ କରାଯାଇଛି। ଲି ଗ୍ରୀନଉଡ୍ଙ୍କ ଦ୍ବାରା ‘ଗଡ୍ ବ୍ଲେସ୍ ଦ ୟୁଏସଏ’ କାର୍ଯ୍ୟକ୍ରମ ପରିବେଷଣ ପରେ ଟ୍ରମ୍ପ ଏହି ପୁରସ୍କାର ସ୍ବୀକାର କରିଥିଲେ। ଏହି ଅବସରରେ ସେ ହ୍ବାଇଟ୍ ହାଉସ୍ ପାଇଁ ତାଙ୍କ ଅଭିଯାନ ସମ୍ବନ୍ଧରେ ପ୍ରକାଶ କରିଥିଲେ। ସେ କହିଥିଲେ କମଳା ହ୍ୟାରିସ୍ଙ୍କ ବିରୋଧରେ ତାଙ୍କ ବିଜୟର ସୁଫଳ ଦେଶ ଏ ଭିତରେ ଦେଖୁଛି। ନିର୍ବାଚନ ପୂର୍ବର ୭୨ ଦିନ ସେ ଅବିଶ୍ରାନ୍ତ କାମ କରିଥିବା ଦର୍ଶାଇ ଟ୍ରମ୍ପ କହିଛନ୍ତି ଯାହା ବିଗତ ୪ ବର୍ଷରେ ଆମେରିକାବାସୀ ଦେଖି ନ ଥିଲେ ତାହା ଗତ ୨ ସପ୍ତାହ ଭିତରେ ସେମାନେ ଦେଖୁଛନ୍ତି। ଆମେରିକାକୁ ତାଙ୍କ ପ୍ରଶାସନ ପୁଣିଥରେ ବିଶ୍ବରେ ଶ୍ରେଷ୍ଠ କରିବ ବୋଲି ସେ ପ୍ରତିଶ୍ରୁତି ଦେଇଛନ୍ତି।
