ମୁରିବାହାଲ : ମୁରିବାହାଲ ଥାନା ବାଲିଖମାର ଗାଁର ପ୍ରାଥମିକ ବିଦ୍ୟାଳୟର ଜଣେ ଛାତ୍ରଙ୍କୁ ଚପଲରେ ମାଡ଼ ମାରିଛନ୍ତି ଶିକ୍ଷକ। ଏଭଳି ଏକ ଅଭାବନୀୟ ଘଟଣାକୁ ନେଇ ଏବେ ଶିକ୍ଷକ ଥାନରେ ଅଟକ ଅଛନ୍ତି। ଘଟଣାକୁ କେନ୍ଦ୍ର କରି ଥାନାରେ ଏକ ମାମଲା ରୁଜୁ ହୋଇଛି। ସୂଚନା ମୁତାବକ ବାଲିଖମାର ଗାଁରେ ଥିବା ପ୍ରାଥମିକ ବିଦ୍ୟାଳୟର ଜଣେ ଚତୁର୍ଥ ଶ୍ରେଣୀ ଛାତ୍ରଙ୍କୁ ବିଦ୍ୟାଳୟର ଶିକ୍ଷକ ବିବେକାନନ୍ଦ ମୁଣ୍ଡା ଚପଲରେ ମାଡ଼ ମାରିଥିବା ଛାତ୍ରଙ୍କ ମା ଅଭିଯୋଗ କରିଛନ୍ତି। ମୁରିବାହାଲ ପୋଲିସ ଏ ନେଇ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି। ଉକ୍ତ ଶିକ୍ଷକଙ୍କୁ ଥାନାକୁ ଡକାଯାଇ ଅଟକ ରଖାଯିବା ସହ ଜେରା କରାଯାଉଛି।
ସେପଟେ ଏହାକୁ ନେଇ ଛାତ୍ର ଭୟଭୀତ ଅବସ୍ଥାରେ ରହି ବିଦ୍ୟାଳୟକୁ ଯାଉ ନଥିବା ଜଣାପଡ଼ିଛି। ମଧ୍ୟାହ୍ନ ଭୋଜନ ଖାଇବାପରେ ଥାଳି ଧୋଇବାକୁ ନେଇ ଶିକ୍ଷକ ଚପଲରେ ମାଡ଼ ମାରିଥିବା କହିଛନ୍ତି ଉକ୍ତ ଛାତ୍ର। ଅନ୍ୟପକ୍ଷରେ ଏହି ଘଟଣାକୁ ଉକ୍ତ ଶିକ୍ଷକ ଅସ୍ବୀକାର କରିଛନ୍ତି। ସେ କହିଛନ୍ତି ଯେ, ଛାତ୍ର ଜଣଙ୍କ ତାଙ୍କ ସହିତ ଯୁକ୍ତତର୍କ କରିଥÒଲା। ତାଙ୍କୁ ସେ ବୁଝାଇବାକୁ ଉଦ୍ୟମ କରିଥÒଲେ ହେଲେ ପିଲାଟି କିଛି ବୁଝିନଥÒଲା। ଏହାକୁ କେନ୍ଦ୍ର କରି ପୋଲିସ ଶିକ୍ଷକଙ୍କୁ ଥାନାକୁ ଡ଼କାଇଥÒବା େବଳେ େସଠାରେ ଗ୍ରାମବାସୀ ମଧ୍ୟ ରୁଣ୍ଡ ହୋଇଥÒଲେ।
